futbol xaqida sayt

"RealMadrid" ning Madrid derbisiga zayavkasi

uzclassic — Mon, 26 Feb 2007 08:43:37 GMT

O'yinda qatnashadigan o'yinchilar
Darvozabonlar:
Cassilas, Diego Lopes
Himoyachilar:
Cannavaro,Helguera,M.Torres,Pavon,Mexia,Salgado,Marselo.
Yarim himoyachilar:Diarra,Gago,Reyes,Guti,Emerson,
Hujumchilar:Robinho.Raul,v.Nistelrooy,Higuain,Casssano.
Qatnashmidiganlar:Cicinho,R.Carlos,S.Ramos(Travma)Bravo,Menyamberes(murabiylar shtabining hulosasi) Beckham(diskvalifitsa qilingan).

FYODOROV KLOZE JAMOASIGA QARSHI MAYDONGA TUSHISHI MUMKIN

uzclassic — Fri, 05 Jan 2007 06:13:02 GMT

Rubin" jamoasi kecha Turkiyaga qishki o'quv-mashg'ulot yig'inlarini o'tkazish uchun uchib ketdi. U yerda jamoa a'zolari "Verder"dan tashqari bir nechta turk klublari bilan ham o'rtoqlik uchrashuvlarini o'tkazishni rejalashtirishgan.

Turkiyaning Belek hududiga joylashadigan Fyodorov jamoadoshlari "Verder"ga qarshi 14-yanvar kuni o'yin o'tkazishadi.

Eslatib o'tamiz, O'zbekiston terma jamoasining sardori yaqindagina jamoasi bilan shartnomani 1 yil muddatga uzaytirgan edi.

INILEYEV: "VAQT TERMA JAMOADA TARKIBINI HAM O'ZGARTIRADI".

uzclassic — Fri, 05 Jan 2007 05:59:14 GMT

O'zbekiston terma jamoasining yangi bosh murabbiyi Rauf Inileyev 5-yanvar kuni soat 10:00 da O'zbekiston Futbol Federatsiyasining Majlislar zalida o'tkaziladigan matbuot anjumanida jurnalistlar bilan uchrashadi. Mazkur uchrashuvdan oldin Rauf Inileyev O'FF Matbuot kotibi Sanjar Rizayevga ekslyuziv intervyu berdi.

- Bundan bir necha kun ilgari Osiyo o'yinlarining yakunlari bo'yicha o'tkazilgan matbuot anjumanida milliy terma jamoa bosh murabbiyi bo'lish har qanday mutahassis uchun katta orzu ekanligini aytib o'tgandingiz. Bugun esa siz, O'zbekiston terma jamoasining yangi bosh murabbiyisiz! 2006-yil menimcha, sizning yilingiz bo'ldi, shekilli ?

- Haqiqatan ham so'nggi vaqtlarda menga jurnalistlar qo'ng'iroq qilib intervyu olayotganlarida an'anaviy savol bilan murojaat qilishayotgan edi. "Siz O'zbekiston terma jamoasiga bosh murabbiy bo'lish taklifiga rozi bo'larmidingiz?" Bu savolni nafaqat jurnalistlar, balki meni ko'cha-ko'yda uchratib qolgan ishqibozlar va kuzatuvchilar ham berishardi. Albatta, milliy terma jamoada ishlash eng mas'uliyatli, sharafli vazifa hisoblanadi. Bu lavozim shunday yuksak cho'qqiki, uni har qanday bosh murabbiy orzu qiladi. Xususan, men uchun ham bosh murabbiylik lavozimi eng katta yutug'im sanaladi. Bugungi kundagi his-tuyg'ularim ham shunga yarasha. Endi katta mas'uliyatni his qilmoqdaman. Bilasizmi, milliy terma jamoadagi ishni boshlagunimga qadar men har bir terma jamoada boshqichma-bosqich ishladim. Ya'ni, o'smirlar, yoshlar, olimpiya terma jamoalari va 2006-yilda mamlakatning ikkinchi terma jamoasi deya ataluvchi - 23-yoshgacha bo'lgan futbolchilardan tarkib topgan O'zbekiston U-23 termasini boshqardim. Endi esa, menga milliy terma jamoani ishonib topshirishdi. Bu faoliyatimning "pik" nuqtasi, ya'ni cho'qqisi hisoblanadi. Eng avvalo, mas'uliyatni his qilib, ishga kirishish kerak deb o'ylayman. Ichimda ham qattiq mehnat qilish hohishi jo'sh urib turipti. Bu bilan men o'zbekistonlik murabbiylar ham futboldagi eng yuksak lavozimda munosib ishlashga loyiq ekanliklarini isbotlamoqchiman. Xabaringiz bor, so'nggi vaqtlarda mamlakat terma jamoasida horijlik mutahassislarning ish olib borishi an'anaga aylanib qolgan edi. Nihoyat, o'zimizning mutahassislarga ham ishonish mumkinligini amalda ko'rsatish vaqti kelganligidan hursandman.

- Sizni ko'pchilik yoshlar bilan yaxshi ishlaydigan mutahassis sifatida taniydi. Qatardagi musobaqalarda ishtirok etgan terma jamoa ham ushbu fikrlar isbotidir. Ommani bir savol o'ylantirmoqda. O'zbekiston U-23 terma jamoasi hech qanday o'zgarishsiz milliy terma jamoaga aylanishi mumkinmi? Boshqacha qilib aytganda, ushbu tarkibni saqlab qolasizmi?

- Saqlab qolaman deb aniq aytish mushkul. Zero, milliy terma jamoaning U-23 terma jamoasidan farqi juda katta. Masalan, milliy terma jamoaning a'zosi bo'lgan va o'z navbatida U-23 terma jamoasiga mos tushadigan bir qancha futbolchilarimiz Qatardagi musobaqalarda ishtirok eta olmadilar. Shunday bo'lsada, milliy terma jamoaning asosini aynan U-23 terma jamoasi tashkil etadi deyish mumkin. Tarkib e'tibor berayotgan bo'lsangiz, tobora yosharib bormoqda. Masalan, bizda hozirga kelib yaxshigina Olimpiya terma jamoasi shakllangan. Umuman, barcha terma jamoalardagi nomzodlarni ko'rib chiqib ularning eng yaxshilarini milliy terma jamoa safida birlashtiramiz.

- Yaqindagina futbolchilik faoliyatini tugatib, murabbiylikning sir-asrorlarini o'rgana boshlagan Mirjalol Qosimov sizga yordamchi etib tayinlandi. Bu vaqtga qadar u "Mash'al"ning murabbiylar shtabidan o'rin egallagan edi. Keyinchalik esa, u Olimpiya terma jamoasi bosh murabbiyi Vadim Abramovga yordamchi etib tayinlandi. Savol shunday: Mirjalol Qosimovning yordami milliy terma jamoa darajasida sizga qanchalik asqotadi?

- O'zbekiston Futbol Federatsiyasi Prezidenti Mirabror Usmonov bilan shu mazmunda o'tgan suhbatimizda men Mirjalol Qosimov O'zbekiston terma jamoasining yuragi ekanligini aytib o'tdim. U hatto terma jamoada bosh murabbiy bo'lib ishlasa ham bo'ladi. Keling bir haqiqatni tan olaylik. Mirjalol Qosimov o'zbek futbolining haqiqiy afsonasidir. U faoliyati davomida yuqori darajada futbol o'ynagan. Nafaqat O'zbekistonda, balki horijda, jumladan Rossiyada ham katta yutuqlarga erishgan. Rossiya chempioni bo'lgan. Birlashgan Arab Amirliklarida ham to'p surgan. Shu bois, Mirjalol Qosimovning yordami juda katta bo'ladi deb o'ylayman. U kuchli futbolchi bo'lish bilan birga kuchli mutahassis hamdir. Menimcha, futbolchilar va bosh murabbiy o'rtasidagi mustahkam aloqa aynan Qosimov orqali amalga oshiriladi.

- Yangi bosh murabbiy - yangi jamoa, yangi taktika, yangi o'zgarishlar degani. Shu ma'noda aytadigan bo'lsak, terma jamoa tarkibida qanday o'zgarishlar yuz berishi mumkin? Tarkib yosharadimi yoki 30 dan o'tgan futbolchilar yana terma jamoadan taklif olishda davom etishadimi? Terma jamoada yangi sardor paydo bo'lishi mumkinmi?

- Albatta, vaqt o'tmoqda va u bilan birga turli o'zgarishlar ham ro'y beradi. Terma jamoa ham bundan mustasno emas. Biz terma jamoada ijobiy ustun bo'lib xizmat qilgan jihatlarni sindirish yo'lidan bormaymiz. Demoqchimanki, biror bir o'yinchi yaxshi sport formasida bo'lib, o'z yoshida milliy terma talablariga javob beradigan bo'lsa, men hech qachon uning pasportiga qarab o'tirmayman. Bu futbolchi, shak-shubhasiz o'ynaydi. Sardor masalasiga keladigan bo'lsak, bu savol umumiy yig'ilishda o'z yechimini topadi. Biz terma jamoa a'zolari bilan jamlanganimizda yangi sardorni saylaymiz. Hozirgi sardor - Andrey Fyodorov haqida ham iliq fikrlarni aytish mumkin. U terma jamoaning haqiqiy sardori. Fyodorov hatto, Rossiya Premyer Ligasi baxslarida "Rubin" tarkibida ko'p holatlarda sardorlik bog'ichi bilan maydonga tushmoqda. Bu o'z-o'zidan emas, albatta. Demak, futbolchi o'ziga yarasha obro-e'tiborga ega. Bu uning jamoadoshlari Fyodorovni hurmat qilishadi deganidir. Bir so'z bilan aytganda, Fyodorov terma jamoa sardori talablariga to'la javob beradi.

- Yangi bosh murabbiy sifatida yaqin oradagi rejalaringiz bilan o'rtoqlashsangiz...

- 2007-yildagi eng katta musobaqa bu biz uchun Malayziyada 7-iyul kuni Eronga qarshi uchrashuv bilan boshlanadigan Osiyo chempionati bahslaridir. Guruhda bizga Erondan tashqari, Xitoy va Malayziya raqiblik qiladi. Barcha rejalarimiz ushbu turnirda muvaffaqiyatli qatnashish bilan chambarchas bog'liqdir. Tez orada biz Osiyo chempionatiga tayyorgarlik dasturi va rejalarini ishlab chiqamiz. Milliy terma jamoaning eng yaqin uchrashuvi 7-fevral kuni bo'lib o'tadi. O'yin Qarshida Ozarbayjon terma jamoasiga qarshi kechadi. Biz va'da bergandikki, terma jamoa o'yinlari nafaqat Toshkentdagi balki viloyatlar markazlarida ham o'tkaziladi. Mana ko'rib turganingizdek, Ozarbayjonga qarshi baxs Qarshidagi yangi stadionda o'tkaziladi. Aytishi kerakki, Qarshi shahrida qad ko'targan mazkur stadion haqida faqat yaxshi gaplarni aytish mumkin. Bu o'yingoh 2006-yilda qurib bitkazildi. Umid qilamanki, Osiyo chempionati saralash baxslarida qatnashayotgan Ozarbayjonga qarshi o'yinda Qarshida bizni ko'plab ishqibozlar qo'llab-quvvatlashadi.

- Noan'anaviy savol bilan murojaat qilmoqchiman. Sobiq bosh murabbiy siz uchun terma jamoada nima qoldirib ketdi deb hisoblaysiz?

- Bilasizmi, kimgadir baho berish juda mushkul vazifa. Zero, terma jamoa bosh murabbiyi zimmasiga doimo qiyin vazifalar yuklanadi. U chetdan qaralganda qanchalik oson ko'rinmasin, vazifani uddalash juda mushkuldir. Buning uchun ancha mashaqqatli mehnat talab qilinadi. Valeriy Nepomnyashiy haqida gapiradigan bo'lsak, uning oldida Osiyo chempionati baxslariga yo'llanmani qo'lga kiritish vazifasi turgandi. Bu kutilganidan ham qiyinroq ish bo'lib chiqdi. Ba'zi joylarda xatolar bo'ldi. Nima bo'lgan taqdirda ham, u o'z vazifasini ado etdi.

- Ishqibozlarga yangi yil tilaklaringiz?

- Istagim shuki, 2007-yilda milliy terma jamoa futbolchilari ishqibozlarga olam-olam quvonchlar olib kelishsin. Eng muhimi, stadionlarda ularning soni ko'paysin. Futbol faqat futbolchilardan emas, balki ishqibozlardan ham iborat. Birlashsak, g'alabalarga yanada yaqinlashamiz. Futbolchilar ham ishqibozlarning qo'llab-quvvatlashlaridan ruhlanib, bor kuchlarini ishga solishadi. Shu bois, ularni faqat va faqat stadionlarga chorlab qolaman.

Ma'lumotlar www.uzfootball.com saytidan olingan

YIL LAUREATLARI "TURKISTON" SAROYIDA ANIQLANDI.

uzclassic — Fri, 29 Dec 2006 07:26:42 GMT

Toshkentdagi "Turkiston" saroyida 2006-yil yakunlari bo'yicha futbolchilarni taqdirlash marosimi o'tkazildi. Unda futbol faxriylari, professional futbol klublari a'zolari va rahbariyat vakillari, murabbiylar, O'zbekiston Futbol Federatsiyasi hodimlari, shuningdek ishqibozlar hamda jurnalistlar ishtirok etishdi. Unda yil laureatlari aniqlandi
Yilning eng yaxshi to'purari" unvonini Toshkentning "Traktor" klubi hujumchisi Pavel Solomin qabul qilib oldi. Unga O'zbekiston Futbol Federatsiyasi futbol faxriylari kengashi raisi Narimon Jalolov maxsus Kubokni topshirdi.
"Bu men uchun juda katta sharafdir. Ushbu sovrinni qo'lga kiritishda menga yordam bergan jamoadoshlarim va bosh murabbiyga tashakkurlar aytaman", - deya so'zladi O'zbekiston chempionati to'purari.

"Yilning eng yaxshi hakami" nominatsiyasida esa - FIFA referisi Ravshan Ermatov g'olib chiqdi. Unga O'zbekiston Respublikasi Madaniyat va sport ishlari vazirining birinchi o'rinbosari Erkinbay Kuttibayev O'zbekiston Futbol Federatsiyasining maxsus sovrinini topshirdi.

"Yilning eng yaxshi bosh murabbiyi" unvonini esa, avval xabar berib o'tganimizdek, Farg'onaning "Neftchi" jamoasi bosh murabbiyi Yuriy Sarkisyan qo'lga kiritdi.

"2006-yilning eng yaxshi futbolchisi" nominatsiyasida esa ketma-ket ikkinchi marta Kiyevning "Dinamo" klubi hujumchisi Maksim Shatskix g'olib chiqdi. Futbolchi kela olmaganligi uchun uning onasi sovrinni qabul qilib oldi.
"O'zbekistondagi futbol ahli, ishqibozlar, jurnalistlarga o'g'limning mehnatini shunday qadrlaganliklari uchun minnatdorchilik bildiraman. Bu sovrin u uchun eng a'lo sovg'alardan biri hisoblanadi", - deydi Shatskixni tarbiyalab, o'stirgan onasi - Tatyana Aleksandrovna.

FYODOROV "RUBIN"GA KERAK

uzclassic — Fri, 29 Dec 2006 06:54:53 GMT

O'zbekiston terma jamoasi himoyachisi Andrey Fyodorov tez orada amaldagi jamoasi Qozonning "Rubin" klubi bilan shartnoma imzolashi kerak. Bu haqda "Sovetskiy sport" nashri xabar bermoqda. Qozon shahri sharafini 2000-yildan beri himoya qilib kelayotgan 35-yoshli himoyachi mavsumni ko'ngildagidek o'tkaza oldi.

Marg'ilon futbol maktabi tarbiyalanuvchisi futbolchilik faoliyatini bundan salkam 20 yil avval, 1989-yilda Qo'qonning "Avtomobilchi" jamoasida boshlagan. 1992-97 yillarda esa u Farg'onaning "Neftchi" jamoasida to'p surgan.

Rossiyaga bosh bilan juda yaxshi o'ynay oladigan himoyachi 1998-yilda yo'l olgan. U yerda Fyodorov "Alaniya", "Baltika" va "Rubin" jamoalarida to'p surgan.

"O'zbekistonning 2006-yildagi eng yaxshi futbolchisi" so'rovnomasida Andrey Fyodorov uchun 282 tadan bor-yo'g'i 8 tagina ishtirokchi ovoz berdi. Natijada u mazkur poygada 15 ochko bilan 12-o'rinni egalladi.

Ma'lumotlar www.uzfootball.com saytidan olingan

RADKEVICH YANGI MAVSUMNI YANA BIRINCHI DIVIZIONDA BOSHLAYDI

uzclassic — Fri, 29 Dec 2006 06:50:01 GMT

O'zbekiston terma jamoasi himoyachisi Vladimir Radkevich keyingi mavsumni amaldagi jamoasi Yekatirinburgning "Ural" klubida davom ettiradi. Klub rahbariyati transfer qilinadigan futbolchilar ro'yxatini e'lon qildi. Ular orasida Radkevichning nomi yo'q.
Farg'ona futbol maktabi tarbiyalanuvchisi jamoaning eng yaxshi futbolchisini aniqlash borasida jurnalistlar va mutahassislar orasida o'tkazilgan so'rovnomada 24 futbolchi orasida 21-o'rinni egalladi. U jami ovozlarning 0,5 foizini to'play oldi holos.

"Ural"ning eng yaxshi futbolchisi deya Rossiya birinchi divizioni to'purari va eng yaxshi hujumchisi deb tan olingan Yevgeniy Alximov tan olindi.

KOSHELEV "PAXTAKOR"GA QAYTDI

uzclassic — Fri, 29 Dec 2006 06:47:38 GMT

O'zbekiston terma jamoasi yarim himoyachisi Leonid Koshelev O'zbekistonga qaytdi. Rossiyaning "Shinnik" klubida o'tkazilgan qoniqarsiz mavsumdan so'ng, u yana sobiq jamoasi Toshkentning "Paxtakor" klubi safiga kelib qo'shildi.

Ta'kidlash kerakki, "Paxtakor" yangi mavsumda o'z oldiga doimgidek yuksak maqsadlarni qo'ygan. Shu sababli ham klub rahbariyati o'z tarkibini kuchaytirishga e'tiborni qaratmoqda. Leonid Koshelevning qaytishi ham jamoa tarkibining boshlanajak yangi mavsum oldidan birmuncha kuchayishiga zamin yaratib beradi.

Leonid Koshelev "Shinnik" tarkibida 2006-yilda jami 11 ta o'yin o'tkazdi. Gol urolmagan bo'lsada, o'z hisobiga bitta golli pasni yozib qo'ydi. Aksariyat hollarda u zahira o'rindig'ida qolib ketar, yoki o'rinbosarlar tarkibidagi baxslarda ishtirok etardi.

Koshelev "Paxtakor" tarkibida jami 78 ta o'yin o'tkazib, 26 ta gol urgan.

Osiyo chempionati saralash baxslari doirasida Toshkentda Qatarga qarshi o'tkazilgan so'nggi tur uchrashuvida hisobni ajoyib tarzda ochishga erishgan futbolchi ham aynan Koshelev edi.

Ma'lumotlar www.Uzfootball.com dan olingan

JALILOV O'ZBEKISTONGA QAYTDI YOHUD UNING RESPUBLIKADAGI QO'NIMSIZ KADRLARDAN BIRI EKANLIGI HAQI

uzclassic — Fri, 29 Dec 2006 06:44:17 GMT

Viktor Jalilov nomi yana o’zbek futboliga qaytmoqda. Kelasi mavsumdan boshlab Namanganning “Navbahor”, Toshkentning “Paxtakor” hamda Muborakning “Mash’al” futbol klublarida bosh murabbiy bo’lib ishlagan Viktor Jalilov yana poytaxtga ish olib boradi. Bu safar uch marta eng yaxshi bosh murabbiy unvonini qo’lga kiritgan mutahassis “Paxtakor”ga jamoa boshlig’i sifatida tashrif buyurmoqda.

Ta'kidlash joizki, Viktor Jalilov o’zbek futboli olamida yosh futbolchilarni kashf qilish, ularni tarbiyalab voyaga yetkazish borasida ancha tajribaga ega va bu borada nom qozongan. Milliy terma jamoaning a’zolari Leonid Koshelev, Anvar Soliyev, Server Jeparov kabi futbolchilarni kashf etgan ham aynan Viktor Jalilov hisoblanadi.

Mazkur mutahassis murabbiylik faoliyatini Respublika Olimpiya zahiralari sport kolledjida boshlagan. Bu ishga u futbol klublarida ilk marotaba 1992-yilda Toshkent viloyatining “Politotdel” jamoasida qo’l urgan. 1992-yilda Oliy ligada ishtirok etmagan ushbu jamoa o’sha vaqtlardagi bosh murabbiy Vladimir Bondarenko va qahramonimiz - Jalilovning sa’y-harakatlari bois elitlar safiga qo'shiladi va 1993-yilgi dastlabki mavsumdayoq 16 jamoa orasida turnir jadvalida 9-o’rinni egallaydi.

Klub doirasidagi eng katta muvaffaqiyatni Jalilovga 1996-yil keltirdi. Ushbu yilda u Namanganning “Navbahor” jamoasi bilan O’zbekiston chempionligini qo’lga kiritdi. Uning rahbarligida “Navbahor” hozirgidan farqli o’laroq Respublikaning eng kuchli jamoalaridan biriga aylangan edi. Oltindan keyin ikkita bronza medalini qo’lga kiritgan namanganliklar 1998-yilda Farg’onaning “Neftchi” jamoasini 2:0 hisobida mag’lubiyatga uchratib, O’zbekiston Kubogini qo’lga kiritishdi. Umuman 1996-98 yilgi mavsumlar Jalilov uchun omadli kelgandi.

Viktor Jalilov katta yutuqlardan so’ng, 2001-yilda Toshkentning “Paxtakor” klubiga keldi. Shu yilning o’zida u bir necha futbolchini poytaxtga o’zi bilan olib keldi. Leonid Koshelev, Anvar Soliyev kabi futbolchilar ana shular jumlasidandir. Jalilovning bu yurishiga ko’pchilik ahamiyat bermadi, ammo, u yana “Navbahor” jamoasiga qaytganidan so’ng, mazkur murabbiyning o’zi bilan bir necha futbolchini ergashtirib yurishi oddiy haqiqatga aylandi.

2003-yilni Namanganda tugallagan Jalilov 2004-yilning boshlarida, ko’pchilikni hayratga solib, Muborakning “Mash’al” klubiga o’tib ketdi. U bilan esa, “Navbahor”dan darvozabon Pavel Butenko, shuningdek, Dilyaver Vaniyev, Rashid G’ofurov, Vitaliy Jalilov, Hayrullo Karimov, Rustam Qurbonboyev, Shuhrat Mirholdirshoyev va Jasur Xasanov kabi futbolchilar “Mash’al”ga yo’l oldi. Bu vaqtga kelib esa, “Navbahor”ning tarkibi deyarli bo’shab qolgan, namanganlik ishqibozlar esa g’azab otiga minishgan edi. Buning sabablari oddiy edi. Birinchidan, Viktor Jalilov o’zi yutuqlarni qo’lga kiritib, yulduzli damlarni taqdim etgan, qolaversa, u “Paxtakor”da ikkinchi murabbiy sifatida ishlab yurgan kezlari bosh murabbiylik lavozimini taklif qilgan “Navbahor”ni o’ta qiyin ahvolga solib qo’ygan edi. Zero, o’sha vaqtlarda klubning muammolari yetarli edi. Jamoa moliyaviy bo’xronni boshidan kechirayotgan va inqiroz ko’chasidan chiqib ketish yo’llarini izlayotgan edi. Klubdan bosh murabbiyning bosh olib ketishiga-ku, qo’l siltab chidasa bo’lar, ammo asosiy tarkibning bir necha a’zolarini Muborakka olib ketganligi uchun ko’pchilik ishqibozlar uni kechira olishmasdi. Ahir, Namangan o’z yulduzlaridan ayrilgan edi…

Haqiqatan ham, “Mash’al” Viktor Jalilovning sa’y-harakatlari bois “Navbahor”ning tarkibi hisobiga kuchaygan edi.

”Jamoalar tarkibini bunday ravishda kuchaytirilishiga mutlaqo qarshimiz”, - deya O’zbekiston Futbol Federatsiyasi Prezidenti vaziyatga keskin noroziligini bildirgandi. “Biz bugungi kunda kadrlar qo’nimsizligiga barham berish uchun kurashayotgan bir vaqtda, murabbiylarning bunday yo’l tutishi noto’g’ridir. Biz biror bir jamoaning zaiflashuvi hisobiga ikkinchi jamoaning kuchayishi orqali chempionat saviyasini ko’tara olmaymiz. Bizda Yuriy Sarkisyan kabi “Neftchi”da bir necha o’n yildan buyon ishlab kelayotgan, Toshev kabi o’z jamoasiga sodiq murabbiylar bor. Menimcha, jamoadan jamoaga bir guruh futbolchilar bilan ko’chib yuradigan murabbiylarga ishonch yo’q. Bunday mutahassislar o’z obro’ va tajribasini suiste’mol qiladi” , - deydi Mirabror Usmonov.

Darhaqiqat, 2006-yilda Mirabror Usmonov boshchiligida yangi ish boshlagan O’zbekiston Futbol Federatsiyasining rahbariyati ishqibozlar va mutahassislarning ishonchini qozonib bormoqda. O’FF Prezidentining tashkilot nufuzi va imidjini yaxshilashda amalga oshirayotgan islohotlari haqida bugun ko’p va xo’p gapirilmoqda. Ana shu islohotlardan biri kadrlar qo’nimsizligiga barham berishdan iboratdir.

Viktor Jalilov esa, so’nggi 2 yil ichida 4 ta klubda ishlashga ulgurdi. 2004-yilda “Navbahor”dan “Mash’al”ga bir nechta futbolchilar bilan “ko’chib o’tgan” Jalilov sal keyinroq bu jamoadan ketishga ham majbur bo’ldi. U o’z omadini Qozog’istondan izlab ko’rdi va an’anaga ko’ra, o’zi bilan o’g’li Vitaliy Jalilovni qo’shni mamlakat superligasida ishtirok etadigan “Ordabasi” jamoasiga olib ketdi. U yerda ham o’z o’rnini topa olmagach, qahramonimiz yana “Paxtakor”ga qaytdi.

Bugungi kunda namanganlik ishqibozlarning aksariyati Viktor Jalilovni kechira olishmaydi. “Navbahor” ham qiyin vaziyatdan chiqib ketishga ulgurdi, tarkib yangilandi, mavqe tiklandi, ammo…

Ammo, bir vaqtlar “Navbahor” libosini kiyib yurgan bir nechta futbolchi hozir “Jalilovning sa’y-harakatlari” bois boshqa shahar va jamoa sharafini himoya qilmoqda. Mahalliy ishqibozlar esa, o’sha “Navbahor”ning o’yinlarini sog’inganliklarini haligacha gazetalardagi muhlislar minbarlaridan turib aytishadi, Jalilovdan norozi ekanliklarini yashirishmaydi.

Bosh murabbiyning bir jamoada o’z yo’lini topib ketishi uchun kamida 3-4 yil kerak. U o’ziga jamoa tuzib olgachgina, klub shakllanadi va kuchayadi. Bu orqali esa, chempionat saviyasi ham birmuncha ko’tariladi. Bugungi kun chempionati saviyasining u qadar baland emasligini Jalilov kabi futbolchilarni uyoqdan buyoqqa olib yuradigan mutahassislarning borligi bilan bog’lash noo’rin albatta. Biroq, bu narsa ham ushbu jarayonga o’zining salbiy ta’sirini o’tkazmay qolmaydi.

Biz undan intervyu olish maqsadida murojaat qilganimizda, Viktor Jalilov qayergadir shoshilayotganligini va bunga vaqti yo’qligini aytib, ko’zdan g’oyib bo’ldi. Biz uning ortidan keyingi rejalar haqidagi savolimizni berib, unga “bu haqda yana nima deyish mumkin” mazmunidagi javobni olganimizda qahramonimizga qo’l siltab qoldik.

Keyinchalik, bilishimizcha u “Paxtakor”ga jamoa boshlig’i sifatida qaytayotgan ekan…

”O’z lavozimidan shaxsiy manfaat yo’lida foydalanadigan Viktor Jalilov kabi mutahassislardan o’zbek futboliga hech qanday naf tegmaydi. Biz aksincha, bunday mutahassislardan uzoqroq yurishimiz kerak. Qolaversa, bunday jarayonni nazorat ostiga olishimiz kerak. Qandaydir murabbiyning shaxsiy manfaati tufayli, mahalliy ishqibozlarda norozilikning uyg’onishi, bilingki, biz uchun fojeaning boshlanishidir”, - deya ta’kidladi Mirabror Usmonov.

"Daraht bir joyda ko'karadi", - deydi o'zbekning dono maqollari. O’zbekiston klublari uchun jamoasiga sodiqligi borasida shotlandiyalik Aleks Fergyusson bir chetda tursin, Yuriy Sarkisyan kabi o’z yurtiga, o’z klubiga, mahalliy iqtidorlarga mehri baland mutahassislar kerak, nazarimizda. Bir joyda ishlab, qanday obro' va e'tibor to'plash mumkinligi Farg'onada o'z isbotini topmoqda.Birgina Sarkisyan orqali “Neftchi” qanchadan-qancha futbolchilarni yetishtirib chiqayotganini butun Respublika ko’rib-bilib turipti. Balki, Sarkisyanning eng yaxshi bosh murabbiy unvonini qo’lga kiritish borasida faqatgina Jalilovni o'rtda qoldiribgina qolmasdan, O’zbekistonda tengsiz mutahassis sanalashining asrori ham shudir…Yana kim biladi deysiz?!

Ma'lumotlar www.uzfootball.com dan olingan

Maksim Shatskix: hamon bir eshkakni eshyapmiz

uzclassic — Wed, 27 Dec 2006 09:52:37 GMT

Kiyevning "Dinamo" jamoasi Chempionlar Ligasi guruh bosqichidagi so'nggi uchrashuvini o'z maydonida Madridning "Real" klubiga qarshi o'tkazdi. Mazkur bahs terma jamoamiz a'zosi Maksim Shaskix uchun omadli keldi. Ya'ni, hamyurtimiz madridliklar darvozasiga ikkita to'p kiritishga muvaffaq bo'ldi. Ammo Ronaldoning so'nggi daqiqalardagi "dubl"i evaziga kiyevliklar g'alabani qo'ldan boy berdilar.

Shuningdek, Maksim "Dnepr" bilan bo'lgan kubok uchrashuvida ham o'z hisobiga gol yozib qo'ydi. Shu tariqa uning Ukraina kubogi bahslarida kiritgan gollari soni 19taga yetdi. Bu borada Shaskix Sergey Rebrovga tenglashib oldi va ushbu futbolchilar to'purarlar ro'yxatini boshqarib borishmoqda. "Real" bilan bo'lgan uchrashuvdan keyin ukrainalik jurnalistlar odatdagidek Shaskix bilan suhbat uyushtirdilar.

- Biz o'sha eshkakni eshyapmiz. Hech "nol"ga o'ynay olmayapmiz. 90 daqiqa g'alaba qozonamiz, 91-daqiqada to'p o'tkazib yuborib, mag'lubiyat alamini tortib qolaveramiz. Har bir o'yinda bir xil muammo. Doim nimadir yetishmaydi.

- Nahotki hozirgi "Dinamo"dan "Real"ning ikkinchi tarkibi ham kuchli bo'lsa?
- Men ular ikkinchi tarkib bilan harakat qilishdi, demagan bo'lardim. Faqatgina uch futbolchi o'rinbosarlar tarkibidan edi. Madriddagi uchrashuvda maydonga tushgan futbolchilar o'ynashganida nima bo'lishini aytish qiyin. Balki ular uchta to'p o'tkazib yuborardilar, balki biz.

- Penalti haqqoniy belgilandimi?
- Ronaldo boy tajribaga ega futbolchiki, hakamning penalti belgilashdan boshqa varianti yo'q edi. Buning ustiga uning yonida ikki himoyachi bor edi.

- Sizningcha, "Dinamo" dastlabki ikkita muvaffaqiyatsiz uchrashuvdan so'ng kuchaydimi?
- Bir narsa deyish qiyin. Ammo natijalarimizga buning ta'siri bo'ldi. Avvaliga Ruminiyada g'alabani qo'ldan boy berdik. Bugun ham xuddi shunday bo'ldi. Bu bilan yomon o'ynadik, demoqchi emasman. Lekin har doim 95 daqiqa o'ynashga tayyor turishimiz lozim. Afsuski, "Dinamo" hozircha buning uddasidan chiqolmayapti.

- Murabbiy biror narsa dedimi?
- Bunday o'yindan so'ng nima deyishi mumkin? O'yin ancha og'ir kechdi. Maydon esa undan battar edi. 2:0 hisobida g'alaba qozonib turib, 86 va 88-daqiqalarda to'p o'tkazib yuborish achinarli. Butun jamoa bo'lib xulosa chiqarishimiz kerak. "Olimpiyskiy" o'yingohining hozirgi ahvolida chiroyli o'yin ko'rsatib bo'lmaydi. Garchi bu bizga foyda bergan bo'lsa ham. Chunki texnikaga "Dinamo"ga nisbatan "Real" ko'proq e'tibor beradi.

- Prezident yechinish xonasiga kirdimi?
- Kirdi. O'z g'alabamizni o'zimiz qo'ldan boy berganimizni aytdi... Ke-yin barchamizga yuvinishimizga ruxsat berdi.

SUXBAT:Mishel Platini: g’alaba uchun kerakli ovozni olib bo’ldim

uzclassic — Wed, 27 Dec 2006 09:48:42 GMT

2007 yilning 25-26 yanvar kunlari Germaniyaning Dyusseldorf shahrida UEFAning nav-batdagi kongressi bo'lib o'tadi. Unda tashkilotning yangi prezidenti nomi ma'lum bo'ladi. Prezidentlikka ikki nomzod bor. Biri UYEFAning amaldagi prezidenti Lennart Yuxansson bo'lsa, ikkinchisi fransiyalik afsonaviy futbolchi Mishel Platinidir. Yaqinda nomzod sifatidagi Platini Angliyaning World Soccer gazetasiga intervyu berdi.

- Nima uchun UEFA prezidenti bo'lmoqchisiz?
- Mening vazifam Yevropa futbolini bir oilaga jamlashdan iborat. Biz o'z muammolarimizni o'zimiz hal qilmoqchimiz. Bizning o'rnimizga bu muammolarni, masalan, "Bosman ishi", "Sharlerua ishi" kabilarni fuqarolik sudlari ko'rmasinlar. Futbolni biz boshqarishimiz lozim.
Faoliyatim davomida futbolning har bir sohasida ishlab ko'rdim. Tajribamga tayanib, shu narsani aytmoqchimanki, biz o'zimizni - o'zimiz boshqara olamiz. Men axmoq emasman va bu juda qiyinchilik tug'dirishini ham bilaman. Balki buning uchun o'n yil ketar. Ammo futbolning sport turi sifatidagi kelajagi bo'lishi uchun bu ishlarni amalga oshirishimiz shart.

- Lennart Yuxansson Yevropa futboli uchun ko'p narsa qildi. Chempionlar Ligasi haqida gapirishning o'zi kifoya. Nima uchun u bilan raqobat qilyapsiz?
- Men Yuxanssonni yaxshi ko'raman. Ikki yil oldin Marakeshda bo'lib o'tgan kongressda u ketmoqchiligini, bolalari va nabiralarining oldida bo'lmoqchiligini aytgandi. Biroq men UYEFAga prezident bo'lmoqchi ekanligimni ma'lum qilganimdan so'ng Yuxansson birdaniga o'zgarib, nomzodini qo'ymoqchi ekanligini aytib o'tdi. Uning yoshidagi insonlar uchun bunday qarorga kelish oson emas. Menimcha, uni bunga undaganlar - boshqalar. Ular o'zlarini ma'lum qilishni istamaydilar.

- Dasturlaringizda qanday farq bor?
- O'z dasturimni Lennartnikidan yaxshi, deb ayta olmayman. Men hammasiga faqat o'zim erishmoqchi ekanligimni aytmoqchiman. Misol uchun, Yevropa Ittifoqi tomonidan "Yevropa futbolining mustaqil izlanishlari" degan hujjat taqdim etildi. Bu menga ma'qul keldi. Ammo barchasi emas.

- Lekin UYEFAning Yevropa Ittifoqi qonunlariga bo'ysinishini inkor eta olmasangiz kerak?
- Men siyosatchilar bilan ishlashga qarshi emasman. Lekin ular bizni idora qilmasliklari kerak. FIFA prezidenti Zepp Blatter va Xalqaro Olimpiya Qo'mitasi prezidenti Jak Roggelar ham shunday fikrdalar. Lekin UYEFAning o'z qarashlari bor. Bu 52 federasiya degani. UYEFAning haqiqiy egalari ulardir. Menimcha, ularning barchalari ham YEIning fikriga qo'shilavermasalar kerak.

- Balki sportni siyosatdan ajratib olarsiz...?
- Men bu haqda gapirmayapman. Futbol o'z muammosini o'zi hal qilishi kerak demoqchiman, xolos. Shuning uchun ham biz o'z xartiyamizni tuzishimiz lozim. Hozir nima bo'lyapti? Milliy federasiyalar klublar bilan, klublar futbolchilar bilan, ayrim federasiyalar esa FIFA bilan janjallashib yotibdi. Bir narsa bo'lsa, biz sudga murojaat qilamiz. Shu sababli ham oiladan tashqariga chiqmay, har qanday muammoni hal qilish yo'lini topishimiz lozim.

- Vaziyatning rivojlanishiga to'sqinlik qiladigan eng yomon holat qaysi?
- Eng yomoni, misol uchun, siyosatchilar penaltini 11 emas, balki 18 metrdan tepishni belgilab bersalar. Balki futbolni sport vazirlari boshqaradigan kunlar kelar? Lekin bu kunlarni ko'rishni istamas edim. Mening maqsadim - FIFA va XOQ bilan birgalikda shu narsaga qarshi chiqadigan UYEFAga prezident bo'lish.

- Saylovlardagi imkoniyatlaringizni qanday baholaysiz?
- Milliy federasiyalarni yaxshi nomzod ekanligimga ishontirishga harakat qilaman. Shu xolos. Bu bilan Yuxansson yomon prezident bo'lgan, demoqchi emasman. Balki aksincha. Men g'alaba uchun kerakli ovozni olib bo'ldim. Lekin aniq qanchaligini aytmayman. Eng yomoni, agar meni tanlashsa, yashashim qiyinlashadi. Mag'lub bo'lsam, ta'tilga chiqib ketaman. Yutsam, o'sha kundanoq ishga kirishishimga to'g'ri keladi.

- 2003 yili UYEFA prezidenti bo'lishni istaganingizda Chempionlar Ligasining tizimiga o'zgartirish kiritmoqchi ekanligingizni aytgandingiz. Hozir ham shu fikrdamisiz?
- Men Chempionlar Ligasini o'zgartirmoqchi emasman. Buni saylovoldi kampaniyasida ham aytib o'tdim. Shunchalik axmoq emasman. Yevropa uchun CHL qanchalik muhimligini bilaman va saylovdagi imkoniyatlarimni pasaytirib yubormoqchi emasman. Lekin bitta muammo bor. Buni aytmasam bo'lmaydi. Guruh bosqichida ishtirok etayotgan 32 jamoa orasida haqiqiy chempionlar juda oz. Ruminiya va Polsha kabi mamlakatlarning guruh bosqichida vakillari bo'lmasligi yomon. Men buyuk klublarni barcha mamlakatlarga borib o'ynashlarini xohlayman. "Yuventus" safida o'ynab yurgan kezlarim Islandiyaga borganimizda, u yerda nimalar yuz bergani esimda. Shunday voqealar futbolga bo'lgan qiziqishni oshiradi. Shuning uchun ham menimcha, bitta mamlakatdan ligada to'rtta jamoaning ishtirok etishi - ortiqcha. Bu boshqa mamlakat jamoalarini ligadan chiqib ketishlariga sabab bo'lmoqda. Angliya, Italiya yoki Ispaniyadan uchta jamoa ishtirok etsa, shu yetarlidir. Albatta, prezident bo'lsam ham buni o'zgartirishga harakat qilmayman. UYEFAda shu ish bilan shug'ullanadigan qo'mita va komissiyalar bor. Hammasini ular hal qilishadi. Lekin o'z fikrimni o'rtaga tashlayman.

- Prezident sifatida oldingi prezidentlardan nimangiz bilan farq qilasiz?
- Men ijrochi prezident bo'lmoqchiman. Jenevada yashashim shart. Aytish joizki, bunga rafiqamni ko'ndirish juda qiyin kechdi. FIFAdan o'rnak olish lozim. Agar FIFAning Syurixdagi ofisiga borsangiz, Blatterni uchratasiz. UYEFA ofisida esa prezident bo'lmaydi. Siz UYEFA rahbarimisiz, demak, ishingizni tashkilotning shtab kvartirasida o'tirib bajarishingiz kerak. Men prezident ko'proq ishlashini istayman. Uning vazifasi ijroiy qo'mitasining a'zolarinikidan ko'p bo'lishi shart. Hammasi UYEFAda 2000 yili o'zgarib ketdi. Tashkilot rahbariyatiga ko'p huquq berib yuborildi. Men ijroiya qo'mita a'zolariga ko'proq huquq berilishini xohlayman. Masalan, men UYEFA ijroqo'mi a'zosiman. Lekin texnik qo'mita tekshiruvchisi vazifasini bajaraman, xolos. Umuman olganda, hech nima qilmayman. Buning ustiga FIFAning texnik qo'mitasi raisiman.

- Shunday xulosaga kelyapmizki, siz biznesni ёqtirmaysiz. Shundaymi?
- Yo'q. Professional futbolni biznesga aylanib ketayotganligini juda yaxshi bilaman. Lekin uning futbol ekanligini unutmaslik lozim. Axir bolaligimizda futbol bilan salomatlik, ko'ngilxushlik va shunga o'xshash narsalar uchun shug'ullanganmiz. Birja o'yinchilariga aylanish uchun emas. Mana, e'tibor bering, futbolni biznesga aylantirishlari nimalarga olib kelyapti. Grand klublar uchun kuchli futbolchilar kerak. Ular uchun katta pullarni sarflashmoqda. Natijada moliyaviy inqiroz ёqasiga kelib qolmoqdalar. Yuzaga keltirgan qiyinchilikdan qutulishlari uchun ularga yordam kerak.

- Yevropaning kuchli klublarini jamlagan G-14 guruhi haqida qanday fikr bildirasiz?
- Menga bu guruh ёqmaydi. Asosan "MYU", "Milan", "Yuventus" va "Arsenal" kabi buyuk klublar ёqadi. Lekin ularning o'z tashkilotlarini tuzishlari... G-14ning yangi rahbari Devid Dinning gaplari ancha xotirjam bo'lishimizga undadi. Umid qilamanki, ular UYEFA bilan birgalikda ishlashsa maqsadga muvofiq bo'lishini tushunishadi.

- Siz o'zgartirishni istagan o'yin qoidalari bormi?
- Bu borada men konservativ insonman. Lekin 1990 yildagi Jahon Chempionatidan so'ng biz darvozabonga to'p uzatishni ta'qiqlab qo'ydik. Shu bilan birga o'yinda ham jiddiy o'zgarishlar ro'y berdi. Bu - mening g'oyam edi. Futbolchilik davrimda raqib himoyachisining ortidan yuguraverib, ko'p charchaganman. Ular kichik bir xavfni sezsalar to'pni darvozabonga uzatib qo'yardilar. Ammo men videotakrorlarga umuman qarshiman. Qo'shimcha ikkita hakam esa xalaqit bermasdi. Ular darvoza ortiga qo'yilsa, bosh hakamga ko'p hollarda yordam bergan bo'lishardi. Lekin buni UYEFA emas, balki FIFA hal qiladi.

- Kelasi yili nafaqat UYEFA, balki FIFA prezidentligiga ham saylovlar bo'ladi. Nima uchun siz aynan Yevropa tashkilotiga bosh bo'lishni istadingiz?
- Juda oddiy: FIFAning o'z prezidenti bor - Blatter. U lavozimidan ketmoqchi emas. UYEFAda esa ketishni istayotgan prezident bor.
O'tgan haftada Platini Kataloniya poytaxti Barselonada bo'lib, bir necha soat davomida "Barsa"prezidenti Joan Laporta bilan suhbatlashdi.

- Sir bo'lmasa aytingchi, Laporta bilan nimalar haqida gaplashdingiz?
- UYEFA prezidentligiga nima uchun o'z nomzodimni qo'yganim va boshqa bir qator masalalar to'g'risida. Umuman olganda, futbolning rivojlanishi haqida gurunglashdik.

- Hozirgi zamonning eng kuchli futbolchisi, deb kimni ko'rsatgan bo'lardingiz?
- To'g'risini aytsam, taqqoslash menga ёqmaydi. Ha, qaysidir yo'nalishda aniqlasa bo'ladi. Ronaldino, Anri va Zidan. Qay biri kuchli? Hammasi o'z o'rnida kuchli. Barcha ularni shu davrning eng kuchli futbolchilari, deb tan oladilar. Yoxan Kroyffning "Barselona"si kuchli bo'lganmi yoki Frank Raykaardnikimi, degan savolga javob berishning iloji bo'lmaganidek, bu savolga ham javob berish qiyin.

- Yozda "Barselona"ga o'tishga yaqin bo'lgan Anri haqida esladingiz. Uni "Arsenal"da qolganini qanday izohlaysiz?
- Menimcha, u xatoga yo'l qo'ydi. U "Barselona"da yana ham kuchli o'yin namoyish qilishi mumkin edi. Anrining Ronaldino, Eto ~O va Messilar bilan bir jamoada to'p surishini tasavvur qilib ko'ring. Tyeri - ajoyib futbolchi. Ammo afsuski, u hozir buyuklar safiga kira olmaydi. Nima uchun? Unga klub futbolidagi sovrinlar yetishmaydi. Fransiya terma jamoasi bilan jahon va Yevropa chempionatlarida g'olib chiqdi. Lekin "Arsenal" bilan xalqaro arenalarda hech nimaga erisha olmadi. Shu sababli ham jamoasini o'zgartirishi menimcha, unga foyda berardi, deb hisoblayman. Lekin nima bo'lgan taqdirda ham uning qarorini hurmat qilaman. Anri, uni kuchli futbolchi qilib tarbiyalagan bosh murabbiyi, jamoadoshlari, muxlislari va oilasi uchun shu qarorga keldi.

- Haftada nechta futbol uchrashuvini tomosha qilasiz?
- Hech qachon hisoblab ko'rmaganman. Ammo siz o'ylagandek futbol hayotimning ko'p qismini egallagan. Shuni aytishim joizki, menga Ispaniya chempionati ko'proq ёqadi. Chunki bu yerda jamoalar ko'proq texnik va kombinasion o'yin namoyish qiladilar. Angliya chempionati bahslarini ham tomosha qilish qiziqarli. Ita-liyada esa maydonda haqiqiy "jang" bo'ladi. Ammo "A" seriya bahslarini ham katta qiziqish bilan ko'raman.

- Chempionlar Ligasida qaysi jamoa g'olib chiqadi?
- "Chelsi", "Inter", "Barselona", "Lion"... davom ettiraymi? Mening bashoratim hech nimani o'zgartira olmaydi. Faqatgina "Barsa"ning o'tgan mavsumdagi yutug'idan xursand bo'lganimni aytishim mumkin. Menga bu jamoa doim ёqib kelgan. "Sent-Etyen"da - katta futbolga qadam qo'yishni boshlaganimda, kataloniyaliklar safida o'ynashni orzu qilardim. Lekin Ispaniyadan hech qachon qo'ng'iroq bo'lmagan.

- Yaqinda "Oltin to'p"ning nav-batdagi sovrindori nomi ma'lum bo'ladi. Sizningcha, bu mavsumda unga qaysi futbolchi loyiq?
- Yilning eng muhim voqeasi Germaniya maydonlarida bo'lib o'tgan Jahon Chempionatidir. Ushbu musobaqada Italiya terma jamoasi g'olib chiqdi. Men mazkur sovrinni italiyaliklar posboni Janluiji Buffonga bergan bo'lardim. Afsonaviy Lev Yashindan keyin, darvozabonlar orasida "Oltin to'p"ni qo'lga kiritishga aynan u haqlidir.